FADAS Lugo é o acrónimo da Federación de Asociacións de Ámbito Social de Lugo, nada no ano 2012 na cidade de Lugo e como ven recollido no artigo 4 dos seus estatutos, ten un ámbito de actuación autonómico.

​

A Federación de Asociacións de Ámbito Social de Lugo é unha entidade sen ánimo de lucro que dispón de personalidade xurídica propia e plena capacidade para obrar.

A sede social de FADAS Lugo atópase na Casa María Mariño, sita na Rúa Monte Faro número 2, 1º andar, Código Postal 27003, Lugo.

​

Tanto FADAS Lugo, como os seus membros son definidos polo Consello Estatal de ONG de Acción social como “entidades privadas de carácter voluntario e sen ánimo de lucro que funcionan de xeito autónomo e solidario, tratando por medio de accións de interese xeral impulsar o recoñecemento e o exercicio dos dereitos sociais, de lograr a cohesión e a inclusión social en todas as súas dimensións e de evitar que determinados colectivos sociais queden excluídos duns niveis suficientes de benestar."

​

Os obxectivos de FADAS, recollidos nos seus estatutos son:

​

• Estabelecer vínculos entre as distintas asociacións do ámbito social para fomentar a colaboración e o traballo en rede.

• Servir como interlocutora entre estas asociacións e os distintos organismos públicos e privados.

• Axudar na inclusión social dos diferentes colectivos tratados polas entidades participantes nesta Federación.

​

E para acadar esas metas, FADAS Lugo impulsa, organiza, participa e actúa en cantos actos, reunións, programas e/ou actividades considere necesarias.

​

As áreas nas que traballan as entidades membro da Federación son as seguintes:

​

Cooperación ao Desenvolvemento, Comercio Xusto, Poboación migrante, Diversidade Cultural, Crecemento e Empoderamento Persoal, Infancia, Igualdade (Muller), Vítimas de violencia de Xénero, Maiores, Persoas con adicións, Persoas reclusas ou ex-reclusas, Dependencia de Substancias, Voluntariado, Ámbitos da Saúde e Socio-Laboral.

​

En case todas estas áreas traballan máis dunha entidade membro de FADAS e neste sentido debemos ter en conta:

​

• A coincidencia de traballar máis dunha entidade responde á demanda social.

• Que a área de actuación sexa coincidente non significa que os programas, servizos ou actuacións tamén o sexan, senón que estes poden ser complementarios.